1.
هامسك إيدك وامشي معاك
ودنك تسمع كلمه وراك
وسط طريق مليان أخطار
"ديه طريقك .. ليه محتار؟"
أنا صادق دايما وأمين
أنا ناظر للمنسحقين
أنا حاضر دايما ومعين
أنا ضامن كل المشوار"
2.
مش راح أنعس ولاّ أكلّ
هاسند رجلك مش ها تزِلّ
هافضل حافظ ليل ونهار
هاحفظ نفسك م الأشرار
3.
لو في أتون النار هاحميك
خليك صابر وهاقويك
مش ها تأثر فيك النار!
مش راح تتعب أو تنهار
4.
كل مشورتي هاثبِّت ليك
وانت في حيرتك عيني عليك
حتى وقلبك كله افكار
مش راح تغلط .. أنا هاختار