1.
قلبي أسير نعمتك
دا انا مديون لرحمتك
جبتني من المزابل
وكنت راجع وقابل
وعملها في قلب حياتي
من بداياتي لنهاياتي
وصنعت لي إسم جديد
تقبلني ضمن العبيد
(قلبي أسير)3 نعمتك
2.
قلبي رهين كلمتك
دا انا مشتاق في سكتك
واتحرك وانا شايفك
وأعيش لك وانا خايفك
وجهني منين ما تريد
صوتك في حياتي يزيد
ببساطة عين عارفاك
بقداسة ناس عايزاك
(قلبي رهين)3 كلمتك
3.
قلبي شهيد خدمتك
أعلن إسمك وفديتك
يد على المحرات
ناسي كل اللي فات
وأضيَّع فيها الغالي
وصليبك وانكر حالي
وبالتانيه بامسح دموعي
وصوابعي لاجلك شموعي
(قلبي شهيد)3 خدمتك
4.
قلبي مناه مجيتك
مع حكيمات بيعتك
سهري لاسمك باغني
وفوق ها يبقى التَّغنِّي
ويكون في سراجي الزيت
كعذارى لزِمنَ البيت
ونشيد يجُرّ نشيد
بفرْح أبدي ومجيد
(قلبي مناه)3 مجيتك