في وقت ضعفي بانادي لك
وعارف انك ها تشيلني على الأكتاف
أنا هاجي لك واحكي لك على اللي فيَّ
في وقت حزني أنا هاجي لك
معاك هارتاح ومش هاخاف
إنت المخلص إنت فاديَّ
أنا هاجي لك
أنا هاجي لك علشان غيرك مافيش
في محضرك حزني بيهرب ما الاقيش
علشان اسمك برج حصين باجري عليه
علشان حبك هو الغطا اللي احتمي فيه
ليَّ هنا في الأرض أو في السما
أيّ تنهد لكن كُلي هَنا
استرني ربي في دمك اللي عني سال
ارفعني ربي انت تصنع المحال
أنا هاجي لك