باقدر يا غالي يا ربي يسوع
باقدر وقوفك وسندة كفوفك
وقوفك معايا في وادي الدموع
ونورك في ليلي وضيّ الشموع
باقدر يا غالي يا ربي يسوع
1.
دا كام مره شفتك إله الأمانه
لكن جوا قلبي معشش خيانه
فضلت تداري وشري تواري
لأنك حبيبي وحبك طبيبي
وجاني كلامك وجاب لي سلامك
ما تقدرشي تنكر في نفسك خصال
وكان جوا فكري طموحي وآمال
مع اني في جهلي رفضتك كتير
ما قلتش لقلبي ها ترجع كسير
وجيت باعترف لك وباسكب دموع
باقدر يا غالي يا ربي يسوع
2.
كتير كنت باعند واكسَّر كلامك
باحتم في رأيي واضيَّع سلامك
باحوش لنفسي واكوم لنفسي
ولما وصلت لآخري في يأسي
ما عدتش أسيبك هاتبِّت في إيدك
ما بافرقشي عن سائر المخلوقات
وآخرة إرادتي خساره وآهات
ومش عارف اني باحوش نفايه
صرخت يا ربي وقلت "كفايه
ويبقى مكانك دا جوا الضلوع"
باقدر يا غالي يا ربي يسوع
3.
سنيني اللي فاتت مشيتها معايا
وبهجة خلاصك بتملا سمايا
بترحم غبائي شرودي وفراقي
بحبك تحاصر وإيدك تناصر
وجيت بانحني لك وأقدَّر جميلك
بتقنعني إنك أماني الوحيد
وبتقول لي إنك معايا أكيد
وترجع تفكرني إنك معايا
وصوتك يقول لي "أنا ليك حمايه"
واقول لك "حاوطني لآخر الربوع"
باقدر يا غالي يا ربي يسوع